Sunday, December 3, 2006

رحم الله إمرئ أهدى لي عيوبي

بسم الله،
يقول عمر بن الخطاب رضي الله عنه:
رحم الله امرئ أهدى إليّ عيوبي

أنا لا أعلم صحة نسبة هذا القول إلى سيدنا عمر رضي الله عنه وأرضاه. ولكن يعجبني معناه. لو حد يعرف يصحح لنا هذا الأثر، ياريت ما يبخلش علينا.
إذن من المفيد، مع أنه من المؤلم، أن يخبرنا الناس وخصوصا اﻹخوة واﻷصدقاء عن عيوبنا. فهي حقا نعم الهدية. إذ العاقل من يسمع هذا النقد البناء حتى يصلح من نفسه.
ومن منا يخلو من العيوب؟
تصوروا حتى أنا عندي عيوب :))
المهم...
كل اللي انا عايزه منكم إن كل واحد زي الشاطر كدة يجمع شوية عيوب لي، ويجمع شجاعته ويدونها هنا.
متخافوش أنا مش حضرب والا حامد ايدي والا اتنرفذ والا أي حاجة من دي خالص،
كل ما في الأمر أني حــــا....
والا بلاش، خليها مفاجأة :)

طبعا مش ضروري حد يمضي باسمه،
احنا مش عايزين ضرب،
بس اللي عايز، مايخافش، احنا قلنا مفيش مد ايد :)

بجد بجد أنا نفسي تشاركوا وخصوصا:
جمال، رشدي، السايح، ميدو،
أنا منتظر....
وربنا يستر على الفضايح :)

والسلام عليكم
حسام

6 comments:

hammady said...

السلام عليكم،
ايه يا جماعة؟ ماحدش عايز ينطق؟
انتو خايفين ولا ايه؟
ايه يا عم فادي، ايه يا رشديــــــي؟ موهو موهو؟؟؟
طب ازعل ان محدش عبرني ولا افرح ان محدش لاقيلي عيوب؟
انا شايف ان شكلها كدة التانية :)
طب الحمد لله جزاكم الله خيرا، أنا برضه كان رأيي كدة :)
انا مش حافقد اﻷمل ، وحديكو فرصة تانية
حسام

Shamro7` said...

Dear Hammadyyyyyyy,

Enta mabetgeesh lih? mesh teb2a teegy ? ana bab2a henaak.

elmohem, matefra7sh awy en ma7adesh 3abarak 3al post dah, el naas bas mo7raga mennak ;)

Ana shayef ennak to3odd ma3 nafsak keda we tetalla3 kol el 3ouoyb elly 3andak we fel 2a7`er te7ottaha fe poll we7na ne3mel voting 3aleeha. Keda ashallena we 7atla2y kol el naas bet vote :).

Anonymous said...

مبروك يا حسام

Anonymous said...

السلام عليكم ورحمة الله وبركاته
جميل انك تحول تعرف عيوبك ولكن الأجمل ان تعالجها
يخاف بعض الناس من المواجهه ولكنك كنت شجاعا بما فيه الكفاية لمحاولة معرفة عيوبك
وحبا لك مع احترامى لمشاعرك سوف اوجهك اليها ولكن الحدق يفهم
1 اسأل نفسك كم مرة فى اليوم تتذكر مقولة من تواضع لله رفعه
2 متى كانت اخر مرة ارتسمت الابتسامة على شفتى والديك واسرتك واهلك وكل من تعرف بعمل خالص لهم ولله
3 متى كانت اخر مرة تنازلت عن رأيك بحب ورضا لارضاء الأخريين
الأسئلة صعبة واجاباتها اصعب ولكن ان شاء الله سيكرمك الله بالاجابة الصحيحة لانك صالح ونقى النية
الامضاء : واحد يعرفك كويس جدا جدا وقريب ليك كمان :)

Waleed said...

yeeeeeeeee keteeeeeeeeeer 2ana mash 3aref 2abda2 menein ? enta kolak 3eyoob asasan lol hahaha ...... enta te2ool lel nas ye gama3o el keways feik bas 3alashan homa kam 7aga wala 7agtein

Waleed said...

SPAM hahahah