مش انا اتجوزت؟

بسم الله،
أيوة اتجوزت
بس الكلام ده عدى عليه شهرين ونص
13/4/2007
ياااااااه دي الايام بتجري
وبصراحة انا كنت مكسل اكتب من ساعتها
مش فاضي بقة
أصل الدنيا مشاغل والبيت والعيال وأم العيال وخال العيال وعم العيال وأبو أم العيال...
على العموم الخبر ده قديم ومحدش مش عارفه
بس أنا قلت واجب ندونه عشان التوثيق التاريخي والعولمة والخصخصة والفكر الجديد وأولويات اﻹصلاح :)
وسلملي على اﻷمانة العامة...

والسلام عليكم

Read more...

خبر الموسم!

السلام عليكم،
أحبتي في الله،
يسعدني أن أزف إليكم جميعا هذا الخبر العظيم:
إن شاء الله تعالى سيتم

عقد زواجي

بفضل الله ومنته يوم الجمعة السابع من شهر الله المحرم
لعام ثمانية وعشرين وأربعمائة وألف هجريا،

يعني بالبلدي كدة
26/1/2007

الجمعة بعد الجاية بعد صلاة العشاء بإذن الله.

المكان:

مسجد السلام بستانلي

الوصف: وانت جاي من على البحر حتاخد البحر على شمالك وحتعدي شارع سوريا على يمينك
وبعدين شارع رشدي، حتلاقي ماكدونالدز ستانلي.
بعد كدة حتفوت شارع وتخش في اللي بعده.
الكلام ده لو جي على رجلك أو بالمواصلات من على البحر.
إنما لو جاي بالسيارة حتخش في الشارع اﻷول اللي بعد ماكدونالدز عشان شارع المسجد مافيهوش دخول من على البحر.

لو تحب برضه تاخد فكرة من على :
Google maps
دوس عليها
http://maps.google.com/?ie=UTF8&om=1&z=17&ll=31.233848,29.948956&spn=0.003614,0.007231&t=k

بص برضه على الصورة دي، أنا موضح فيها كل الوصف:
.

هذه الدعوة عامة لكل من شاهد هذه الصفحة من إخوتي في الله

أسأل الله تعالى أن يبارك لنا في هذه الزواج
وأن يجعلك قرة عين لي

وإن شاء الله عقبالكم جميعا

سبحانك الله وبحمدك
أشهد ألا إله إلا أنت
أستغفرك وأتوب إليك

Read more...